(ئەو قسەیە محەمەمەد ڕەزا مەحموودی خەڵکی گوندی کونەکۆتر گێڕایەوە و ئەویش لە نەنکی بیستبوو).
تێبینی: عەبدوڵڵا ناهید(ئیفتیخار) کوڕی مستەفاخان(سالارناسر) کوڕی شێربەگ کوڕی فەیزوڵڵابەگ بووە.لەساڵی ۱۲۷۰ی هەتاوی لە سەقز لە دایک بووە و ساڵی ۱۳۲۴ی هەتاوی لە گوندی سڵێمانکەندی فەیزوڵڵابەگی کۆچی دوایی کردووە و لە خانەقای شێخی بوڕهان نێژراوە.ئیفتیخار یەکەم کەس بووە تاری شیرازی هێناوەتە کوردستان و یەکەم جار ماشێنی هێناوەتە سەقز.ئیفتیخار لە سەقز و سڵێمانکەندی و مەهاباد خوێندوویەتی و زمانی ڕووسی باش فێربووە. کاتی شەڕی جیهانی یەکەم ڕووسەکان هەشت هەزار کەسیان لە خەڵکی سابڵاغ شەهید کردووە و دوایە بە دەم کوشتارەوە بەرەو سەقز هاتوون، ئیفتیخار بەرەوپیریان دەچێ و بە ڕووسی دەیاندوێنێ و ئەهۆنیان دەکاتەوە و ناهێڵێ کوشتاری مەهاباد لە سەقز و بانە دووپات بێتەوە.ناوبراو دوو دەورە نوێنەری خەڵکی بانە و سەقز لە پاڕلمانی ئێراندا دەبێ و چەندین تابڵۆی نەققاشیشی لە پاش بەجێ ماوە.
عەبدوڵڵا ناهید-ئیفتیخار ئەم کتێبانەشی نووسیوە:
۱ – خاطرات
۲ – ڕۆمانی “چگونە بە مریخ رفتم”
۳ – ڕۆمانی “پهلوانان گمنام”لە پێنج بەرگدا
۴ – ئەحمەد و ڕەعنا – تەنز
۵ – قامووسی کوردی – فارسی
۶ – پڕۆفسۆر دریاس
۷ٓ- تکوین کائنات
۸ – مصاحبە با شیطان.
نووسهر: کەریم ڕەحمانی
- سقز رووداو
- کد خبر 14233
- بدون نظر
- پرینت
