ئەحمەد بەگی ساحیبقڕان ناسراو بە حه‌مدی لە ساڵی ۱۲۹۳ی کوچی بەرانبەر بە ۱۸۷۶ی زایینی لە سلێمانی هاتووەتە دونیاوە، مامۆستا سه‌جادی له لاپه‌ڕەی(۲۵۶)ـی میژووی ئه‌ده‌بی کوردیدا ئه‌ڵێت:
ئه‌حمه‌د به‌گ یه‌کێک بووه له دوانزه سوارەی مه‌ریوان، لاوچاک و سوار چاک بووه، ڕووی کردبێته هه‌ر مه‌یدانێک تۆپی هونه‌ری ده‌رکردووه، ڕووی کردبێته هه‌ر دوژمنێک شکاندوویه‌تی، له‌مه‌وه ناویان ناوه (ساحێبقڕان) و خاوه‌ن (نگین)،
حه‌مدی لە قوتابخانەی مەلای جەزیری خوێندوویەتی و لە حوجرەکانی مزگەوتەکانی سلێمانی و لە خاناقای مەحوی فێری عەرەبی بووە.
لە ۱۸۹۲ی زایینی یەکەم شیعری وتووە و لە ۱۹۱۵ بە هۆی گرتنی لەلایەن میرەوە دیوانەکەی لەگەڵ کتێبخانەکەی هەمووی سووتێندراوە،
دوای هەڵاتنی لە سلێمانی دووبارە دەستی بە شیعر وتن کردووەتەوە و دیوانەکەی پاش خۆی بە جێ هێشتووە.
حەمدی لە ڕێکەوتی ۱۲ی تەشرینی ۱۹۳۶ی زایینی بە هۆی وەستانی دڵی کۆچی دوایی کردووە، لە گردی سەیوان نێژراوە.
🆔 @saqqezrudaw
- سقز رووداو
- کد خبر 15111
- بدون نظر
- پرینت
