با ئەوەمان لە بیر بێت باشترین دیاری بۆ منداڵان هەر کتێبە و بەس، چونکوو لە ڕێگای خوێندن و موتاڵاوە بیر و هزری زارۆکان گەشە ئەکات و  ئەتوانن لە گۆڕانکارییە جیهانییەکاندا بەشداربن.

بەو هیوایەی ئەم جۆرە چالاکیانە لە لایەن دایک و باوکانەوە بە هەند وەربگیردرێ و منداڵان بە زمانی دایکیی خۆیان گۆش بکرێن تا ئەوین و  خۆشەویستی زمان و کولتووری کوردی لە ڕێگای ئەدەبیات و هونەرەوە تێکەڵ بە ناخ و دەروونی منداڵانمان بکرێت. مەخابن لەم ڕووەوە کتێبخانەی کوردی بۆ منداڵانی کورد گەلێک هەژار و بێ‌نازە کەوتووە. بە هەست کردن بەم بۆشاییە، وەرگێڕی سەقزی “براییم شەوقی” ۹ کتێبی چیرۆکی تایبەت بە منداڵان لە زمانی ئینگلیزییەوە وەرگێڕاوە بۆ سەر زمانی کوردی و “چاپەمەنیی ڕێگا” بە دیزاین و وێنەی جوان و ڕەنگاوڕەنگەوە چاپی کردوون و ئێستاش لە کتێبخانەکانی کوردستاندا کەوتۆتە بەر دەستی منداڵانی چاوگەشی کورد.

کتێبەکان بریتین لە:

1. جوانکیلەی نووستوو
2. جلی تازەی پاشا
3. عەلائەدین و چرای جادوو
4. کچە وردیلە
5. جەک و لووبیای سیحراوی
6. سپیکەلەی بەفرین و حەوت گزگل
7. هایدی
8. دوڕگەی خەزێنه
9. هانسێل و گرێتێل