درەوشانەوەی گرووپی هەڵپەڕکێی چالاکی بانە لە فێستیڤاڵی نێودەوڵەتیی ئەرمەنستان
فستیڤاڵی نێونەتەوەییی فەرهەنگ و هونەری وڵاتی ئەرمەنستان گەییشتە قۆناغی کۆتایی، دەستەی هەڵپەڕکێی چالاکی بانە وێڕای هونەرمەندان ڕابەر کوردستانی، کەریم ساڵحی و ئومید دەبباغی بەشداری ئەم فستیڤاڵە بوون
هەروەها جێی ئاماژەیە ڕابەر کوردستانی لە بەشی دەنگبێژیی ئەم فستیڤاڵەدا بەشدار بوو. ئاکامی فستیڤاڵ بەپێی بڕیاری لیژنەی داوەران بەم شێوازەی خوارەوە دەستنیشان کرا
۱- خەڵاتی تایبەتی لیژنەی داوەران بۆ پاراستنی فەرهەنگ و ڕەسەنایەتیی نەتەوەکان بۆ دەستەی هەڵپەڕکێی چالاک
۲- پلەی دووهەمی فستیڤاڵ بۆ دەستەی هەڵپەڕکێی چالاک
۳- پلەی یەکەم و باشترین مۆسیقای فستیڤاڵ بۆ دەستەی هەڵپەڕکێی چالاک( ڕابەر کوردستانی، کەریم ساڵحی، ئومید دەبباغی)
۴- دیپلۆمی شانازیی فستیڤاڵ بۆ دەستەی هەڵپەڕکێی چالاک
۵- باشترین دەنگی فستیڤاڵ( ڕابەر کوردستانی)
۶- خەڵاتی مەزنی دەنگبێژیی فستیڤاڵ( ڕابەر کوردستانی)
جێی ئاماژەیە ئومید زارعی لە ئەندامی لیژنەی داوەرانی ئەم فستیڤاڵە بوو.